Fermerët në Roskovec po braktisin vreshtarinë duke e zëvendësuar me kulturën e ullirit.
Dikur pothuajse i gjithë territori i Kurjanit në Roskovec ishte i kultivuar me vreshta duke e kthyer në shtyllën kryesore të ekonomisë lokale.
Nga 100 hektarë, sipërfaqja e kultivuar me vreshta sot është reduktuar në 5 hektarë.
Çmimi i ulët i shitjes së rrushit, mungesa e tregut, subvencionet e pamjaftueshme, etj, detyruan shumë banorë të kësaj zone të braktisin vreshtat.
Fermeri Qamil Kuka, pohon se përballë këtyre problematikave, e braktisi tërësisht vreshtarinë për ta kultivuar gjithë sipërfaqen me ullinj.
“Ishte e pamundur të përballoje kostot për të bërë shërbimet e nevojshme, në këto kushte u detyrova t’i pres të gjitha hardhitë”, thotë ai.
Traditën e vreshtarisë u detyrua ta lërë mënjanë edhe fermeri Astrit Abedini.
Fermerët thonë se çdo ditë e më shumë po shkojnë drejt falimentimit për shkak të mungesës së vëmendjes nga shteti.