Zoe Kravitz dhe Harry Styles kanë ndezur thashethemet për fejesë, pasi aktorja u pa me një unazë me diamant gjatë një vizite të saj në Londër këtë javë.
Këngëtari 32-vjeçar dhe aktorja amerikane 37-vjeçare u lidhën për herë të parë në gusht 2025 dhe aktualisht ndodhen të dy në Mbretërinë e Bashkuar.
Në fotografi të siguruara nga The Sun të martën, çifti shihet duke u puthur në publik për herë të parë, pasi Harry kishte vizituar hotelin e saj.
Ajo shihet duke mbajtur një unazë të madhe në gisht.
“Harry dhe Zoe duken shumë të dashuruar – dhe ajo ka një diamant shumë të madh në gishtin e unazës”, tha një burim për gazetën.
“Ai është shumë zotëri dhe e shoqëroi deri te makina, pastaj iu afrua dhe e puthi”.
“Kur ajo u largua, Harry i bëri me dorë. Zoe kishte një buzëqeshje të madhe në fytyrë. Nuk mund ta mos e vëreje unazën – është jashtëzakonisht e madhe”.
Gazeta gjithashtu pretendon se çifti ka kaluar Vitin e Ri së bashku në Barbados, ku mund të ketë ndodhur një propozim për martesë.
Kjo vjen pasi Harry kohët e fundit tha se ka pasur një “bisedë të sinqertë dhe reale” me veten për atë se ku e sheh veten pas pesë vitesh, pasi ka parë tre nga miqtë e tij më të afërt të martohen.