Manchester Unitedi po planifikon të forcojë mesfushën këtë verë, dhe disa yje të Serie A, si dhe reprezentuesi italian Sandro Tonali, janë lidhur me një transferim në “Old Trafford”.
Mediat britanike (përmes “Manchester Evening News”) raportojnë se Unitedi është gati të investojë 150 milionë paund (rreth 173 milionë euro) në afrime të reja këtë verë, me fokus të veçantë në mesfushën qendrore.
Eksperti italian i merkatos Alfredo Pedullà ka deklaruar se si “Djajtë e Kuq” ashtu edhe Atlético Madridi janë të interesuar për mesfushorin e Atalantës, Edersonin, me “Colchoneros” që duken paksa përpara në garë, pasi kanë ofruar tashmë 30 milionë euro plus bonuse.
Megjithatë, Atalanta synon të përfitojë të paktën 40 milionë euro nga shitja e brazilianit këtë verë, ndaj gara për nënshkrimin e tij mbetet e hapur.
Mesfushori i Newcastle Unitedit, Sandro Tonali, prej kohësh është lidhur me një kalim tek Unitedi, por edhe klube të tjera të mëdha të Premierligës, si Arsenali dhe Manchester City, po shqyrtojnë një lëvizje për ish-yllin e Milanit.
Muajin e kaluar, “Tuttosport” raportoi se edhe mesfushori i Juventusit, Teun Koopmeiners, ka tërhequr interes nga Unitedi dhe Galatasaray.
Manchester Unitedi po kërkon gjithashtu përforcime në sulm, me yjet e Milanit Rafael Leãon dhe Christian Pulisicin që raportohet se janë në listën e tyre.
Unitedi thuhet se e ka vëzhguar Leãon gjatë barazimit 0-0 kundër Juventusit dy javë më parë, dhe “Gazzetta dello Sport” raportoi javën e kaluar se gjigantët e Premierligës janë të gatshëm të ofrojnë Manuel Ugarten, Joshua Zirkzeen ose Marcus Rashfordin në një marrëveshje të mundshme shkëmbimi lojtarësh plus para.
Sipas “Calciomercato.it”, Manchester Unitedi është gjithashtu i interesuar për fleksibilitetin e Christian Pulisicit, por e di që Milani nuk do ta shesë kapitenin e SHBA-së për më pak se 60 milionë euro./GazetaExpress/
The post Unitedi planifikon t’i shpenzojë 173 milionë euro në verë, në sy e ka Tonalin dhe tri yje të Serie A appeared first on Gazeta Express.