Shërbimet e Sektorit të Policisë Rrugore, në vijim të punës për rritjen e parametrave të sigurisë rrugore si dhe për evidentimin dhe ndalimin e personave që drejtojnë automjetet nën efektin e alkoolit, duke u bërë burim rreziku për përdoruesit e rrugës, në qytetin e Bulqizës arrestuan në flagrancë shtetasit:
-R. B., 40 vjeç, banues në fshatin Martanesh;
-Sh. Sh., 52 vjeç, banues në Bulqizë.
Pas kryerjes së testit të alkoolit, këta shtetas rezultuan se drejtonin automjetet në gjendje të dehur, përkatësisht
shtetasi R. B. me masën 0.84 mg/l,
shtetasi Sh. Sh. me masën 0.53 mg/l.
Po nga këto shërbime u arrestua në flagrancë edhe shtetasi J. K., 22 vjeç, banues në Burrel, pasi në aksin rrugor “Klos–Burrel”, teksa drejtonte automjetin e tij, ka humbur kontrollin dhe mjeti ka përplasur një këmbësore, e cila ndodhet për ndihmë mjekësore në spital.