Pesë persona janë arrestuar ditën e sotme pas aksionit në Agjencinë Kadastrale të Kosovës. Kështu ka bërë të ditur Prokuroria Themelore në Prishtinë.
Në njoftim shtohet se të arrestuar dyshohen se në bashkëkryerje, kanë kryer veprat penale ‘’Keqpërdorimi i Detyrës apo Autoritetit Zyrtar’’, ‘’Falsifikimi i Dokumentit’’, dhe, ‘’Legalizimi i përmbajtjes së rreme’’, përcjell Gazeta Express.
‘’ Sipas Prokurorisë, dy nga të dyshuarit kanë përdorur një kontratë të falsifikuar të vitit 1966 për të përfituar në mënyrë të kundërligjshme pronë. Një zyrtar i Gjykatës Themelore në Prishtinë dyshohet se ka krijuar dokumente fiktive për të mundësuar legalizimin e saj, ndërsa dy zyrtarë të Agjencisë Kadastrale të Kosovës dyshohen se kanë tejkaluar kompetencat duke aprovuar regjistrimin e pronës në mënyrë të paligjshme’’, thuhet në njoftim.
Po ashtu, nga prokuroria shtohet edhe se, prokurori i Shtetit, brenda afatit ligjor, do të shqyrtojë mundësinë për caktimin e masës së sigurisë në procedurë penale ndaj të pandehurve.
The post Arrestohen 5 persona nga aksioni në Agjencinë Kadastrale, Prokuroria: Dyshohen për falsifikim dokumentesh appeared first on Gazeta Express.