Presidenti amerikan, Donald Trump i bëri homazh themeluesit të CNN, Ted Turner, vdekja e të cilit u njoftua sot duke e quajtur atë një nga emrat e mëdhenj në historinë e televizionit, ndërsa kritikoi ashpër edhe rrjetin ikonik.
Por, stacioni 24-orësh i lajmeve do të kalojë nën kontrollin e familjes Ellison, e cila konsiderohet e afërt me Donald Trump, duke ngritur pyetje në lidhje me pavarësinë e tij editoriale.
Rrjeti amerikan 24-orësh i lajmeve, CNN njoftoi sot vdekjen e themeluesit të tij, Ted Turner, në moshën 87-vjeçare.
Në vitin 2018, manjati i medias i lindur në Cincinnati zbuloi se vuante nga demenca me trupa Lewy, një sëmundje neurodegjenerative që shkakton simptoma të ngjashme me Parkinsonin dhe Alzheimerin.
Një figurë ekstravagante dhe provokuese, dikur i martuar me aktoren Jane Fonda, ai themeloi CNN në vitin 1980.