Një muaj para zgjedhjeve parlamentare të shumëpritura, kryeministri i Armenisë Nikol Pashinyan ka përcaktuar qartë drejtimin e politikës së jashtme të vendit, duke pritur liderë evropianë, sekretarin e përgjithshëm të NATO dhe madje edhe presidentin e Ukrainës Volodymyr Zelenskyy, shkruan Euronews.
Një skenë dikur e paimagjinueshme për Armeninë: liderë evropianë, kryeministri i Kanadasë, sekretari i përgjithshëm i NATO-s dhe presidenti i Ukrainës në një vend që për një kohë të gjatë është konsideruar si aleati më i afërt i Rusisë në Kaukazin Jugor.
Për Jerevanin, organizimi i samitit të Komunitetit Politik Evropian dhe takimi Armeni–BE përbëjnë një pikë kthese
“Të jemi të sinqertë, tetë vite më parë askush nuk do të vinte këtu,” tha të hënën presidenti francez Emmanuel Macron.
“Tetë vite më parë, ky vend shihej nga shumë shtete rreth tryezës si një lloj sateliti de facto i Rusisë.” Presidenti francez vlerësoi më tej Pashinyan për “organizimin e Revolucionit të Kadifenjtë” dhe për “reduktimin e varësisë së këtij vendi nga Rusia”.
“Dhe për këtë arsye ai ishte dhe vazhdon të sulmohet çdo ditë,” shtoi Macron.
The post Euronews: Armenia teston durimin e Moskës me vizitën e Zelenskyt dhe samitin e liderëve të BE-së appeared first on Gazeta Express.