TIRANË– Eksperti i tregjeve financiare Artur Ribaj, nga studioja e “Sheshi i Dollarit”, në ABC News deklaroi se sektori më i goditur aktualisht nga pasojat e luftës në Iran dhe mbyllja e ngushticës së Hormuzit është bujqësia.
Po ashtu ai theksoi se peshkimi dhe te sektorë të tjerë të lidhur me miniprodhimin në Shqipëri e kanë ndjerë efektin.
Sipas tij, këta janë sektorët që e ndiejnë të parët goditjen ekonomike, ndërsa më pas ndikimi do të shtrihet edhe në fusha të tjera të ekonomisë.
Ai u ndal gjithashtu te investimet në energji, duke vlerësuar si shumë pozitive mundësitë për investime në hidrocentrale dhe në panelet e energjisë diellore.
“Sektori më i goditur është bujqësia, sepse endjen e para efektin, peshkimi, por dhe sektorë të tjerë që kanë të bëjnë me ato minisektorë dhe atë miniprodhim në Shqipëri.
Këtë e ndiejnë të parët dhe pastaj ndikimi do shihet edhe te të tjerët. Mundësia e investimeve në hidrocentrale dhe te panelet e energjisë diellore është shumë pozitive”, tha ai./abcnews.al