Ministria e Industrisë, Ndërmarrësisë, Tregtisë dhe Inovacionit (MINTI), përmes Inspektoratit Qendror të Mbikëqyrjes së Tregut (IQMT) dhe në bashkëpunim me inspektorët e Agjencisë së Ushqimit dhe Veterinarisë (AUV), njofton se ka intensifikuar kontrollet në tregun e produkteve të qumështit me qëllim të mbrojtjes së konsumatorëve dhe rritjes së transparencës në treg.
Në kuadër të këtyre aktiviteteve janë realizuar gjithsej 7 inspektime në 4 qytete të ndryshme të Kosovës. Si rezultat, 6 raste janë aktualisht në procedurë, ndërsa 1 rast është mbyllur, konfirmon MINT.
“MINTI rikujton të gjithë operatorët ekonomikë, që veprojnë në fushën e prodhimit, importit, distribuimit dhe shitjes së produkteve të qumështit, se janë të obliguar të respektojnë kërkesat ligjore në fuqi, përkatësisht Ligjin nr. 06/L-034 për Mbrojtjen e Konsumatorit dhe Ligjin nr. 2004/18 për Tregtinë e Brendshme”, theksohet në njoftim.
The post Mbyllet një operator ekonomik për produktet e qumështit appeared first on Gazeta Express.