Duket se rezultatet negative kanë bërë të vetën.
Po ashtu, edhe që në stol nuk është një profesor siç ishte deri vjet Karlo Ançeloti.
Reali I Madridit është jo vetëm në krizë pas eliminimit nga Championsi dhe shanseve thuajse zero për të fituar La Ligën, por edhe ka hyrë në një “luftë të vërtetë civile”.
E përditshmja “Marka” raporton për dy sherre mes yjeve të ekipit, të ndodhura në fare pak ditë.
Përplasja më e fundit ishte mes Ernesto Valverdes dhe Çuamenit, që u kapën për fyti, thuajse bënë grusht, që u ndanë nga shokët, por që e vazhduan përplasjen të paktën verbale deri në dhomën e zhveshjes.
Skena e mundshme u riprodhua në rrjetet sociale me ndihmën e inteligjencës artificiale.
Pak ditë më parë, ndodhi një tjetër episod I shëmtuar, me protagonist mbrojtësin gjerman, Antonio Rydiger, I cili u tall dhe madje përdori Duart ndaj shokut të ekipit, Alvaro Karreras.
Ky I fundit deklaroi më pas se gjithçka është e kaluar, e mbyllur, dhe se atmosfera në skuadër është shumë e mirë, por problemi është se këtë nuk e beson thuajse askush.
Duket se sezoni I dështuar në Spanjë dhe në Europë dhe mungesa e përvojës së trajnerit Alvaro Arbeloa kanë bërë që situata të dalë jashtë kontrollit, dhe të ketë përçarje në grup.
Një gjendje tepër I vështirë dhe në momentin më të papërshtatshëm sepse këtë të diel luhet “El Klasiko” në fushën e Barcelonës.