Presidenti i SHBA-së, Donald Trump sulmoi Bashkimin Evropian, duke e akuzuar atë për shkelje të marrëveshjeve dhe për njoftimin e tarifave doganore prej 25 përqind për automjetet.
“Kam kënaqësinë të njoftoj se, bazuar në dështimin e Bashkimit Evropian për të respektuar marrëveshjen tonë tregtare, javën tjetër do të rris tarifat doganore e vendosura ndaj Bashkimit Evropian për makinat dhe kamionët që mbërrijnë në Shtetet e Bashkuara. Tarifa doganore do të rritet në 25%”, shkroi ai në Truth.
Nëse ata prodhojnë makina dhe kamionë në Shtetet e Bashkuara, nuk do të ketë tarifë doganore. Fabrika të shumta janë aktualisht në ndërtim e sipër, me investime që tejkalojnë 100 miliardë dollarë, një rekord në historinë e industrisë së automobilave”, shtoi Trump.
Bernd Lange, kryetari i Komitetit të Tregtisë të Parlamentit Evropian, mohoi se Evropa nuk kishte arritur t’i përmbushte angazhimet e saj dhe denoncoi mungesën totale të besueshmërisë së administratës amerikane.
Ditët e fundit, Trump është përplasur me kancelarin gjerman Merz, i cili pretendoi se Shtetet e Bashkuara nuk kanë një strategji për t’i dhënë fund luftës në Iran dhe janë poshtëruar nga regjimi i Teheranit.