Arsenali shënoi një fitore bindëse 3-0 ndaj Fulhamit, duke përmirësuar diferencën e golave dhe duke mbetur në një garë shumë të ngushtë për titullin në Premierligë.
Skuadra e Mikel Artetës e nisi ndeshjen fuqishëm dhe kaloi në epërsi në minutën e 9-të.
Bukayo Saka dribloi bukur ndaj Raúl Jiménez dhe asistoi për Viktor Gyökeresin, i cili shënoi pa vështirësi.
Arsenali vazhdoi dominimin në “Emirates”, me Gabriel Magalhãesin dhe Viktor Gyökeresin që krijuan raste të tjera, por portieri Bernd Leno bëri disa pritje të rëndësishme për Fulhamin.
Goli i dytë erdhi në minutën e 40-të, kur rolet u përmbysën: Gyökeres asistoi dhe Bukayo Saka përfundoi saktë në shtyllën e parë për 2-0.
Pak para pushimit, Leandro Trossardi asistoi për golin e tretë, të cilin e realizoi Gyökeresi me kokë.
Në pjesën e dytë, Mikel Arteta bëri disa zëvendësime për të pushuar lojtarët kryesorë para ndeshjeve të rëndësishme në Ligën e Kampionëve, përfshirë përballjen me Atlético Madridin të martën.
Emile Smith Rowe pati një moment emocional kur u dëmtua dhe u duartrokit nga tifozët e ish-klubit të tij.
Portieri David Raya pati pak punë gjatë pjesës së dytë, ndërsa Riccardo Calafiori goditi traversën me një goditje me kokë.
Me këtë fitore, Arsenali regjistron dy fitore radhazi dhe ngjitet në krye të tabelës për momentin, duke rritur presionin mbi rivalët e Manchester Cityt në garën për titull.
Fulhami mbetet në mesin e tabelës, por ende në garë për një vend në garat evropiane.
Arsenali momentalisht ka 76 pikë në vendin e parë, teksa City ka 70 sosh në vendin e dytë, me dy ndeshje më pak se Arsenali./GazetaExpress/
The post Tre gola për tre pikë, Arsenali shkon në +6 në krye të tabelës, me dy ndeshje më shumë appeared first on Gazeta Express.