Të gjithë alpinistët e mbijetuar janë gjetur pas shpërthimit të fuqishëm të vullkanit në malin Dukono në lindje të Indonezisë, ndërsa bilanci tragjik mbetet tre viktima.
Lajmi u konfirmua nga shefi i policisë lokale, Erlichson Pasaribu, i cili deklaroi se gjithsej 15 persona janë evakuuar me sukses nga zona malore pas operacionit të kërkim-shpëtimit.
Sipas autoriteteve, dy udhërrëfyes lokalë të grupit të alpinistëve kanë mbetur ende në mal për të ndihmuar ekipet e emergjencës në nxjerrjen e trupave të tre personave që humbën jetën gjatë shpërthimit. Viktimat janë dy shtetas të huaj dhe një banor nga ishulli Ternate.
INFO GUNUNG ERUPSI !
Terjadi erupsi “GUNUNG DUKONO” – Maluku Utara pada hari Jumat, 08 Mei 2026, pukul 07:41 WIT dengan tinggi kolom abu letusan teramati ± 10000 m di atas puncak (± 11087 m di atas permukaan laut), berwarna putih, kelabu hingga hitam dengan intensitas tebal ke… pic.twitter.com/TEvKIwCj5A
— t°Jabar (@tijabar) May 8, 2026
Operacioni i shpëtimit është zhvilluar në kushte shumë të vështira për shkak të terrenit të thyer dhe aktivitetit të vazhdueshëm vullkanik. Autoritetet thanë se një pjesë e rrugës mund të përshkohej vetëm me automjete, ndërsa pjesa tjetër kërkonte transportimin e të lënduarve dhe viktimave me barela.
Agjencia Kombëtare e Menaxhimit të Fatkeqësive në Indonezi bëri të ditur se pesë persona mbetën të plagosur nga shpërthimi.
Indonezia ndodhet në të ashtuquajturën “Unaza e Zjarrit” në Paqësor, një zonë me aktivitet të lartë sizmik dhe vullkanik, dhe ka rreth 130 vullkane aktive.