Mediat shtetërore të Myanmarit raportuan se është zbuluar një rubin me peshë 11,000 karat. Një nga më të mëdhenjtë e gjetur ndonjëherë në vendin e Azisë Juglindore, i cili është i njohur për gurët e tij të çmuar.
I minuar nga rajoni Mogok në veri, ky rubin është “jashtëzakonisht i madh, i rrallë dhe i vështirë për t’u gjetur”, tha qeveria e re e Mianmarit në një njoftim për shtyp.
“Rubini gjigant ka një ngjyrë të kuqe-vjollcë, me nuanca të verdha dhe konsiderohet të ketë cilësi të lartë ngjyre”, shtoi ai.
Edhe pse shumë më i vogël se një rubin i ngjashëm me peshë 21,450 karat, i zbuluar në të njëjtën zonë në vitin 1996, ky gur është më i vlefshëm, “për shkak të cilësisë së tij superiore të ngjyrës, qartësisë dhe cilësisë së përgjithshme”, theksoi qeveria, pa përmendur një çmim specifik.
Perandorët, mbretërit dhe udhëheqësit e luftës kanë luftuar prej kohësh për kontrollin e Luginës Mogok, në rajonin e Mandalay, ku janë fshehur rubinë të mrekullueshëm, të cilët i quajnë “gjak pëllumbi”.
Këta gurë janë ndër më të shtrenjtët në botë. Gurë të çmuar me cilësinë më të lartë mund të arrijnë çmime deri në miliona dollarë.