Sot mbyllet rrugëtimi i edicionit të 23 të Festivalit të Videoklipit Shqiptar i cili është festivali i vetëm i garës së industrisë kreative muzikore.
Prej 5 javësh në ekranin e Vizion Plus publiku ka ndjekur e votuar 50 videoklipe në garë për çmimin e madh dhe çmimet e tjera që do të ndahen pikërisht sot nga holli i Pallatit të Kongreseve në një skenografi elegante të ideuar nga Studio Rebus.
Mbremja e kësaj të diele do të ofrojë përveç garës së klipeve dhe shumë surpriza, do të performojnë në skenë 2 zonja të politikës, nga parlamentet respektive të Kosovës e Maqedonisë së Veriut si Edona Llalloshi dhe Saranda Imeri.
Gjithashtu performon sonte në skenë edhe këngetari i talentuar i gjeneratës së re nga Italia Eden Loren, pjesëmarës në edicionet e Festivalit të Sanremos.