Një tërmet me magnitudë 5.2 ballë goditi rajonin Guangxi në jugperëndim të Kinës gjatë orëve të para të mëngjesit të së hënës, duke shkaktuar vdekjen e dy personave dhe evakuimin e më shumë se 7 mijë banorëve në qytetin Liuzhou.
Sipas raportimeve të agjencisë Reuters, operacionet e kërkim-shpëtimit vijojnë ende, ndërsa autoritetet kanë paralajmëruar për probleme dhe ndërprerje në transport.
Tërmeti goditi qytetin Liuzhou në orën 00:21 sipas kohës lokale, njoftoi agjencia shtetërore kineze e lajmeve Xinhua.
Televizioni shtetëror CCTV raportoi se viktimat janë një çift bashkëshortësh, një burrë 63-vjeçar dhe një grua 53-vjeçare.
Sipas CCTV dhe Xinhua, deri tani janë konfirmuar dy viktima, ndërsa një person rezulton i zhdukur. Katër persona të tjerë janë dërguar në spital, por fatmirësisht pa lëndime që rrezikojnë jetën.
Autoritetet njoftuan gjithashtu se 13 ndërtesa u shembën në orët e para të mëngjesit.