Ish-trajneri i Barcelonës, Xavi Hernández, ka bërë të ditur se dëshiron të rikthehet në futboll në të ardhmen e afërt, por duket se do t’i duhet të presë edhe pak më gjatë – kjo pavarësisht një qasjeje nga gjiganti i Premierligës, Chelsea.
Xavi është pa punë që nga largimi nga Barcelona në fund të sezonit 2023-24, një periudhë 2.5-vjeçare që i solli një titull të La Ligas dhe një Superkupë të Spanjës.
Megjithatë, fundi i aventurës së tij nuk ishte i mirë, pasi fillimisht dha dorëheqje, më pas zgjati kontratën dhe u shkarkua më pak se një muaj më vonë.
Që atëherë, ai është lidhur me disa poste, përfshirë edhe Manchester Unitedin në disa raste, dhe raportohet se ka refuzuar mundësinë për të drejtuar Marokun në Botërorin 2026.
Sipas gazetarit Ben Jacobs, kampi i Xavi Hernández ka bërë të ditur se ai është kontaktuar nga Chelsea për vendin e lirë që pritet në “Stamford Bridge” këtë verë.
Trajneri katalanas është i interesuar për një kalim në Premierligë në një moment të karrierës së tij.
Megjithatë, Jacobs shpjegon se Chelsea nuk planifikon të zhvillojë bisedime të mëtejshme me të, pasi po shqyrton opsione të tjera.
Ai shton se ish-trajneri i Rayo Vallecanos, Andoni Iraola, dhe ish-trajneri i Real Madridit, Xabi Alonso, janë gjithashtu në garë për këtë post.
Iraola pritet të largohet nga Bournemouthi këtë verë dhe, pavarësisht lidhjeve me ish-klubin e tij Athletic Club, Edin Terzić është shpallur si zëvendësuesi i Ernesto Valverdes.
Ndërkohë, vlera e Xabi Alonsos mbetet shumë e lartë dhe ai është lidhur me një kalim te Liverpooli, pasi ishte kontaktuar nga “The Reds” përpara se të merrte drejtimin e “Los Blancos”.
Ai pritet të ketë oferta për t’u rikthyer në punë sa herë që dëshiron, dhe Chelsea mund të jetë një nga destinacionet e mundshme./GazetaExpress/
The post Xavi është kontaktuar nga klubi i madh i Premierligës appeared first on Gazeta Express.