Rreth 40 studentë të Akademisë së Sigurisë dyshohet se janë helmuar nga ushqimi i konsumuar në ambientet e institucionit.
Pas konsumimit të drekës brenda ambienteve të Akademisë, studentët janë ndjerë keq.
Gazetari i Vizion Plus, Esido Barkaj raporton se shumë prej tyre patën komplikacione shëndetësore dhe janë dërguar në spital.
Akademia e Sigurisë ka kontratë me një kompani private, e cila ofron shërbimin e kateringut për tre vaktet ushqimore të studentëve.
Ndërkohë, institucionet përkatëse kanë nisur hetimet për zbardhjen e plotë të rastit dhe përcaktimin e shkaqeve të incidentit.