Pas aksidentit tragjik të ndodhur në Durrës, ku humbën jetën dy fëmijë të mitur dhe një tjetër mbeti i plagosur rëndë, është marrë masë administrative ndaj drejtuesit të Policisë vendore.
Drejtori i Policisë së Qarkut Durrës, Afrim Tafa, është pezulluar nga detyra deri në përfundim të hetimeve lidhur me ngjarjen e rëndë. Vendimi vjen në kuadër të verifikimeve institucionale për rrethanat dhe përgjegjësitë që lidhen me aksidentin.
Ndërkohë, në vend të tij është komanduar përkohësisht Ervin Hodaj, i cili do të drejtojë Policinë e Qarkut Durrës deri në një vendim përfundimtar.
Aksidenti i ndodhur më 3 maj tronditi opinionin publik, pasi një automjet doli nga rruga dhe përplasi tre fëmijë, duke shkaktuar dy viktima dhe një të plagosur që vijon të marrë trajtim mjekësor.
/vizionplus.tv