Një artizan nga qyteti brazilian Rio de Janeiro ka prodhuar mijëra kopje të frymëzuara nga trofeu i Kupës së Botës, duke mbajtur gjallë shpresat e tifozëve brazilianë për ta parë sërish kombëtaren e tyre duke ngritur trofeun origjinal.
Jarbas Meneghini, i cili prodhon këto trofe që nga viti 1994, ka krijuar më shumë se 3.000 kopje prej gipsi në punishten e tij pranë stadiumit të famshëm Maracana në Rio de Janeiro.
Meneghini ua shet trofetë turistëve dhe tifozëve vendas, si dhe i eksporton ato në 17 vende të Amerikës dhe Evropës.
FIFA Kupa e Botës 2026 do të organizohet bashkërisht nga SHBA-ja, Kanadaja dhe Meksika nga 11 qershori deri më 19 korrik 2026.
Brazili konsiderohet kombëtarja më e suksesshme në historinë e Kupës së Botës FIFA, pasi ka fituar turneun pesë herë, respektivisht në vitet 1958, 1962, 1970, 1994 dhe 2002.
Brazili është gjithashtu e vetmja kombëtare që ka marrë pjesë në çdo edicion të Kupës së Botës që nga viti 1930. /AA/