Mbrojtësi i Real Madridit, Ferland Mendy, raportohet se po mendon të pensionohet nga futbolli pasi lëndimi i tij në kofshë rezultoi shumë më serioz sesa ishte menduar fillimisht. Francezi ka pasur probleme të vazhdueshme me formën fizike prej kohësh.
30-vjeçari u lëndua pas vetëm 10 minutash lojë në fitoren 2-0 të Real Madrid ndaj Espanyol të dielën mbrëma dhe u zëvendësua menjëherë nga Fran García. Fillimisht dyshohej për një këputje të muskulit të kofshës, ndërsa diagnoza e parë parashikonte mungesë prej katër deri në pesë muajsh dhe operacion për Mendyn.
Megjithatë, lëndimi është shumë më i rëndë sesa pritej. Sipas Cadena Cope, njëri nga tendinat e Mendy është shkëputur plotësisht nga kocka dhe dëmtimi konsiderohet serioz. Ai do të ketë nevojë për një operacion shumë më të ndërlikuar dhe periudha jashtë fushës pritet të jetë të paktën një vit, gjë që me shumë gjasë do ta mbante larg futbollit deri në sezonin 2027/28. Ky është edhe sezoni i fundit i kontratës së tij aktuale me Real Madridin, e cila skadon në vitin 2028.
Gjithsesi, nuk ka garanci që operacioni do të jetë aq i suksesshëm sa Mendy të rikthehet në nivelin më të lartë. Sipas Ramon Alvarez de Mon, mbrojtësi veteran tashmë po mendon pensionimin shumë më herët sesa kishte parashikuar. Gjatë ndeshjes së UEFA Champions League ndaj Bayern Munich, Mendy tregoi se kur është në formë mund të garojë ende në nivelin më të lartë, por kjo është bërë gjithnjë e më e vështirë vitet e fundit.
The post U lëndua prapë, Mendy po e mendon pensionimin nga futbolli appeared first on Gazeta Express.